Buddhismus

Article on other languages:

Buddhismus (e verbo buddha 'sapiens') est praeceptorum congeries saepe religio habita,[1] vel tantum modus vivendi, qui circa saeculum 6 a.C.n. in India orsus est. Hoc cogitationis et fidis systema potius et practicum quam philosophicum a quodam sapiente solitario sive monacho dicto idcirco Sakyamuni, cuius nomen verum Siddharta Gautama fuisse videtur. Ex regali stirpe Gotamidarum progenitus, sapientiam quaerens, ad Brahminos se contulit ut ab eis edoceretur; sed eorum doctrina haud contentus mox eos reliquit et in solitudinem, ubi vitam austerrimam ducebat, sese recepit; unde non multo post ad novam doctrinam suam divulgandam prodiit.

Buddhismus, ut ultima felicitas ab homine adquiratur, quattuor veritates, uti aiunt, sublimes statuit:

  • Sublimem dolentis veritatem: "Existentiam dolorum in hoc mundo et miseriarum maxime in metempsychosi sese manifestantium, a quibus homo liberari debet"
  • Sublimem originis dolentis veritatem: "Causam horum dolorum, quae ad concupiscientiam et errorem reducuntur"
  • Sublimem exstinctionis dolentis veritatem: "Annihilationem dolorum sive Nirvanam"
  • Sublimem viae quae ad exstinctionem dolentis ducit veritatem: "Media conducentia ad illam annihilationem sive Nirvanam dolorum"

Iam media, ope quorum Nirvana obtineri potest, octo enumerantur:

  • Comprehensio recta: "Via recta fidei et veritatis"
  • Iudicium rectum: "quod dubia omnia de medio tollit
  • Lingua recta, sive veracitas loquelae
  • Actio recta: "Participatio communis in eo quod fini bono inservit
  • Vita recta
  • Conatus rectus: "Exercitium intellectus in actionibus a lege praescriptis"
  • Cultus rectus: "Memoria actionum praeteritarum"
  • Meditatio recta: "quae ad Nirvanam conducit" {Fons?}

Ex diversis historicorum sententiis, quid sit Nirvana, illa esse rectior videtur, quae eam annihilationem sive statum, in quo quaevis vita exhauriatir, esse dicit; nam quidquid de novitae huius doctrinae sit, quae tantum partem moralem systematis Buddhismi tangere videtur, principia sua ex philosophia Pantheismi materialis et Atomismi Brahminorum sequuntur; iam enim Capila de comuni quadam vi naturae, silens de Deo, loquitur, Canada quoque compositionem corporum sine causa prima explicat. Cum vero vis communis sive natura, ubique diffusa et tamen omnino indeterminata, similis nihilo sit, supremum principium omnium entium et finem esse nihilum absolutum, annihilationem essendi, existendi, cogitandi, sive Nirvanam, mortem completam sequitur; adeo ut omnes actiones morales a Sakyamuni praescriptae via sint ad nihilum, finem omnium philosophi aspirationum.

Per totam enim Indiam, tempus regni Augustus et Tiberii apud Sinas, saeculum 7 apud Tibetanos, saeculum 13 et 14 adhuc vividius ubique sub nova forma diffusa est.

Index

Signa Buddhismi

Octo felicia Mahayanae Vajrayanaeque signa sunt:

  • Umbrella
  • Piscis aureus
  • Vas divitiarum
  • Lotus
  • Concha
  • Nodus sine termino
  • Vexillum victoriae
  • Rota Dharmae

Vide etiam

Notae

  1. ↑ Chambers Dictionary, 2006; Merriam-Webster's Collegiate Dictionary, 2003; New Penguin Handbook of Living Religions, 1998; Dewey Decimal System of Book Classification; [1].
  2. ↑ IAO131. "Thelema & Buddhism" in Journal of Thelemic Studies 1(1) 2007:18–32.

Nexus externi

Fontes

Receptum de "http://la.wikipedia.org/wiki/Buddhismus"

More about Buddhismus: bhutan buddhismus,

This article is from Wikipedia. All text is available under the terms of the GNU Free Documentation License.